Aldursmerkingar kvikmynda og sjónvarpsefnis

Efnisvísar mynda og tölvuleikja

Aldursmerkingar tölvuleikja

Leikurinn er leyfður öllum aldurshópum

Efni leikja sem fá þessa einkunn er talið viðeigandi fyrir alla aldurshópa. Takmarkað ofbeldi í skoplegu samhengi (t.d. ofbeldi eins og í teiknimyndum með Kalla Kanínu eða Tomma og Jenna) er ásættanlegt. Barnið ætti ekki að geta tengt persónurnar á skjánum við raunverulegar persónur, þær ættu að vera algjör hugarburður. Leikurinn ætti ekki að innhalda nein hljóð eða myndir sem eru líklegar til að hræða eða valda ungum börnum ótta. Ekkert ljótt orðbragð ætti að heyrast.

Leikurinn er ekki við hæfi yngri en 7 ára

Allir leikir sem myndu venjulega fá einkunnina 3 en innihalda atriði eða hljóð sem gætu valdið ótta eiga heima í þessum flokki. 

Leikurinn er ekki við hæfi yngri en 12 ára

Tölvuleikir sem sýna aðeins grafískara ofbeldi gagnvart ímynduðum persónum og/eða vægt ofbeldi gagnvart persónum sem líkjast manneskjum eða þekkjanlegum dýrum, ásamt tölvuleikjum sem sýna aðeins grafískari nekt, fara í þennan aldursflokk. Allt ljótt orðbragð í þessum flokki verður að vera vægt og má ekki innhalda kynferðisleg grófyrði.

Leikurinn er ekki við hæfi yngri en 16 ára

Þessi einkunn er gefin þegar lýsing á ofbeldi (eða kynferðislegum athöfnum) er farin að líta út eins og búast mætti við í raunveruleikanum. Enn grófara orðbragð, notkun tóbaks og eiturlyfja og lýsing á glæpsamlegum athöfnum kann að vera í leikjum sem fá einkunnina 16.

Leikurinn er ekki við hæfi yngri en 18 ára

Fullorðinsflokkuninni er beitt þegar ofbeldið í tölvuleiknum er orðið gróft og/eða innheldur vissar gerðir af ofbeldi. Erfiðast er að flokka gróft ofbeldi þar sem það getur oft verið mjög huglægt mat, en almennt má segja að það sé ofbeldi sem myndi fylla áhorfandann ógeði.