UM KVIKMYNDASKOÐUN

FRÍSK, Félag rétthafa í sjónvarps- og kvikmyndaiðnaði, rekur kvikmyndaskodun.is fyrir hönd félagsmanna sinna. Félagsmenn FRÍSK eru flest kvikmyndahús, dreifingaraðilar og sjónvarpsstöðvar landsins.

FRÍSK samræmir verklagsreglur og sér um kvikmyndaskoðunarkerfið sem notað er af ábyrgðaraðilum vegna aldurs- og innihaldsmerkinga á kvikmyndum og tölvuleikjum.

Kerfið sem farið er eftir byggir á stöðlum NICAM (Netherlands Institute for the Classification of Audiovisual Media) frá Hollandi, sem er eitt viðurkenndasta skoðunarkerfi heims og er m.a aðilin bak við hið viðurkennda PEGI kerfi sem að tölvuleikjaframleiðendur hafa komið sér saman um að nota.

FRÍSK hefur gert samning við NICAM um notkun á kerfinu á Íslandi fyrir hönd ábyrgðaraðila. Þá sér NICAM einnig um að þjálfa matsmenn á Íslandi.

Þeir ábyrgðaraðilar sem standa að verklagsreglum sem um getur á heimasíðu Kvikmyndaskoðunar og hafa þjálfaða matsmenn innan sinna raða eru eftirfarandi félög/fyrirtæki: 365 Miðlar, Bíó Paradís, Myndform, RÚV, Sam-Félagið, Sena, Síminn og Sýn. Nöfn matsmanna og fyrirtæki þeirra er að finna hér. Þá hefur FRÍSK einnig þjálfaða matsmenn á sínum snærum.